FONS Bellaqueus

FONS Bellaqueus

seu Fons aquae pulchrae, Fontainebleau, burgus cultissimus Galliae, in provincia Insulae Franciae, et in Hurepoesio tractu, cum palatio superbissimo, a Francisco I. qui insigni Bibliotheca locum ornavit, et Henrico IV. Regibus exstructo: ubi peramoenus Regis secessus, in medio silvae cognominis. Hunc locum secessum, et eremum suam appellare solitus est. iam olim Ludovicus IX. Sancti cognomen meritus. Vix una leuca distat a fluvio Sequana, 4. a Meloduno, et 14. a Parisiis in Austr. Vide Duchenium rech. des ant. de France. Hîc colloquium inter Philippum Mornaeum, et Cardin. Perronium de aliquot controversis Religionis capitibus, coram Henrico IV. Rege, in conventu illustrium utrinqueve virorum habitum est, A. C. 1600.